27 સપ્ટેમ્બર સુધી રાજ્યના કેટલાક વિસ્તારોમાં ભારે વરસાદની આગાહી

 25 થી 27 સપ્ટેમ્બર 2024 દરમિયાન ભારે વરસાદની શક્યતા છે, જેમાં મધ્ય, દક્ષિણ અને ઉત્તર ગુજરાતના ઘણા વિસ્તારોમાં વરસાદી ઝાપટાં પડશે.

મધ્ય ગુજરાત: અમદાવાદ, ગાંધીનગર, આણંદ, નડિયાદ, અને ખેડા જેવા વિસ્તારોમાં હળવાથી મધ્યમ ઝાપટા રહેશે, 2-5 ઇંચ વરસાદ પડશે. વડોદરા, છોટા ઉદેપુર, દાહોદ અને ગોધરા જેવા વિસ્તારોમાં 2-4 ઇંચ વરસાદની શક્યતા છે, અને 27, 28 સપ્ટેમ્બરે ભારે વરસાદ જોવા મળે તેવી શક્યતાઓ છે​.

દક્ષિણ ગુજરાત: અહીં 24 થી 30 સપ્ટેમ્બર દરમિયાન વરસાદ વધુ તીવ્ર રહેશે, ખાસ કરીને 27 અને 28 સપ્ટેમ્બરે, 4 ઇંચ સુધીના વરસાદની આગાહી છે​.

ઉત્તર ગુજરાત: સાબરકાંઠા અને બનાસકાંઠામાં 3 ઇંચ સુધી વરસાદ ખાબકી શકે છે, જ્યારે પાટણ અને મહેસાણામાં હળવો વરસાદ રહેશે, 1-2 ઇંચની શક્યતા છે. અરવલ્લી જિલ્લામાં 2-4 ઇંચ વરસાદની આગાહી છે.

કચ્છ: કચ્છના પશ્ચિમી ભાગમા સામાન્ય રીતે હળવો વરસાદ થશે, પણ ભૂજ અને રાપર જેવા વિસ્તારોમાં 1થી2 ઇંચ વરસાદની સંભાવના છે.

હવામાન લક્ષી ખેડૂત સલાહ:

વાવણી માટે સમયસર તૈયારી:

આ આગાહી મુજબ, વરસાદ પછીના સમયમાં ખેતરોની જમીન વાવણી માટે યોગ્ય છે, જે શિયાળુ પાકોનાં વાવેતર માટે યોગ્ય રહેશે. જે ખેડૂતોને જમીન ખાલી પડી છે તેમણે ખેડ કરી જમીન તૈયાર રાખવી.

જંતુ અને રોગ નિયંત્રણ:

વરસાદ બાદ વધુ ભેજ અને પાણી ભરાવાથી પાકોમાં ફૂગ અને કીટકોનો ઉપદ્રવ વધી શકે છે. જે પાકોમાં ફૂગજન્ય રોગ લાગવાની શકયતા વધુ હોય તે પાકોમાં અગાઉથી જ જૈવિક ફુગનાશકો આપી દેવા જોઈએ.

પાણીના નિકાસનું આયોજન:

ભાદરવા માસ મા વરસાદ જ્યાં પડે ત્યાં વરસાદની તીવ્રતા ખૂબ વધુ હોય છે માટે ખેતરોમાં પાણી ભરાઈ જવાથી પાકને નુકસાન ન થાય, તે માટે પાણી નિકાલની વ્યવસ્થા કરવી.

કાપણી અને લણણી માટે તકેદારી:

જે ખેડૂતોએ બાજરી કે કપાસ જેવા પાકો વાવ્યા છે, અને લણવા લાયક હોય તેઓએ વિલંબ ન કરવો જોઈએ, કારણ કે વધુ વરસાદ આ પાકને નુકસાન પહોંચાડી શકે છે.

સારાંશ:

આગામી દિવસોમાં પડતા વરસાદ ખેડૂતો માટે ફાયદાકારક અને પડકારરૂપ બન્ને સાબિત થઈ શકે છે. યોગ્ય આયોજન, કાળજી અને સાવચેતીઓ રાખવાથી ખેડૂતો આ પરિસ્થિતિમાં થોડા-ઘણા અંશે રાહત મેળવી શકે છે.